Publicacion encuanto Estadia Turistico pa esnan cu nacionalidad Hulandes, procedente di paisnan di Union Europeo of Estados Unidos.

Por medio di e comunicado di prensa aki DIMAS den nomber di Minister, ta informa lo siguiente:
1. Personanan cu tin:
* nacionalidad Hulandes, 
* nacionalidad di paisnan di Union Europeo of 
* nacionalidad di Estados Unidos, 
y
2. kennan ta actualmente na Aruba a base di admision na Aruba como turista, pero mientrastanto a surpasa of dentro di poco ta bai surpasa nan periodo maximo di estadia como turista cual ta stipula den ley (un total di 180 dia over di un periodo di 12 luna). 
y
3. tin intencion serio di bin pa establece nan mes y pues lo ta desea permanese na Aruba como residente;
 
Ta ser pidi pa acudi na oficina di DIMAS ubica na Wilhelminastraat 31- 33 mas pronto cu ta posibel pa asina aclarea un cu otro referente nan status di estadia aki na Aruba y consequentemente introduci un peticion - den caso cu a omiti di haci esaki anteriormente - pa bin na remarca pa nan permiso di estadia aki na Aruba.
E procedura aki a ser introduci temporariamente y ta pues pa evita posibel inconveniencianan pa dicho personanan mes tanto aki na Aruba, por ehempel ora di control dor imigracion ora di entrada, pero tambe posiblemente den e pais di residencia actual, a consequencia di no complimento cu reglanan vigente sea aki y /of aya.
 
E dianan cu e personanan specifcamente menciona aki riba por acudi na DIMAS ta riba tur diabierna di 8:00 – 12:00 y ta ser atendi segun orden di yegada of lo haya un afspraak via HELPDESK.
Pa informacion referente e rekistonan pa haci un aplicacion pa un permiso di estadia temporario, ta referi esnan concerni na e website di dimas, cual ta www.dimasaruba.com, unda por download tambe e formulario di aplicacion of manda un email si tin mas pregunta.
E procedura pa facilitacion aki ta di indole temporario y ta keda vigente te cu 10 di januari 2010 solamente.